شخصان يأثران في حياتك، اخترهما بحكمة!
خلال رحلتنا في الحياة، من يستحق أن يرافقنا؟
الحياة رحلة مليئة بالمحطات التي تحتاج منا وقفة أو لحظة تأمل طويلة. مثلما هي الحياة بخيلة أحيانا، ترفض إعطاءنا الكثير؛ قد تجود علينا مرات عديدة وتفاجئنا بكرمها الذي قد يأتي على هيئة أشياء تمنحنا سعادة مؤقتة، كما يمكن أن يأتي أيضا على هيئة أشخاص يرافقوننا طوال الرحلة.
من أفضل ما قد تجود به الحياة عليك بعد والديك (اللذان لا تختارهما بالطبع) خلال رحلتك فى الحياة ، شخصان يأثران في حياتك، اخترهما بحكمة! تختارهما ربما بمحض إرادتك: صديق وفي ورفيق درب مؤنس ( الزوج /الزوجة) هذان الأخيران إما أن تكون محظوظا كفاية لكي يضعهما الله عز وجل في طريقك ويرشدك فبهم الحياة تهون صعابها وقدوتنا فى ذلك رسول الله صلى الله عليه وسلم، كانت له زوجته السيدة امنة خير زوجة اول من امنت به من الناس جميعا وصدقته ونصرته ……، وكذلك صديقه ابو بكر اول من امن به من الرجال وسانده فى جميع احواله بنفسه وماله ،….
وإما أن تضطر للبحث عنهما في متاهات الحياة دون توجيه من أحد سواك؛ بأفكارك، قناعاتك، مبادئك، شخصيتك وأولوياتك في الحياة. جميع ما سبق يُكوِّن معاييرك الخاصة في اختيار من يستحق أن يشاركك الرحلة بكل مخاطرها ومُتعتها ،
وفى هذه الحياة يوجد العديد من انواع البشر يا هناه من رزقه الله بهم هم اولاد الأصول سواء كشريك الحياة او صديق مخلص مينفعش تتلخبط فيهم !
كل تفاصيلهم بتحكي عن رقيهم .. عن إحترامهم .. عن عزتهم .. عن جدعنتهم .. عن نزاهتهم .. عن شبعهم .. عن شياكتهم ..عن تحملهم للمسؤوليه .. عن إحترامهم للكلمه .. عن رزانتهم و عقلهم .. عن إتزانهم .. عن قوتهم ..
عن صبرهم .. عن عطاءهم ..عن صدقهم و وضوحهم إللي باين في عينيهم .. في نبرة صوتهم .. في كل خطواتهم ..
كتير عندهم أخلاق .. لكن دول مهتمين بتفاصيل الأخلاق !
ناس بتجبرك تحترمهم و تعاملهم معامله خاصه ..
ناس بتجبرك تنتقي مواضيعك و حكاويك وكلماتك معاهم .. ناس بتجبرك تطلع أحلى ما فيك ..
ناس عندهم القدره يترفعوا عن إللي ملوش لازمه ..
عندهم القدره ينسحبوا بهدوء لو مع ناس مش مناسبه ..
الناس دي بتعرف تشتري نفسها صح ..
ناس متكلفه .. إشتغلت على نفسها أوي !الناس دي معندهاش وقت ولا طاقه تضيعها على أمور مش هتضيف أو هتنتقص من سلامها النفسي ..
مش هتعرف تجاريهم لو مش نفس طريقهم .. هم قطعوا كتير من الطريق ده .. فمش هيقفوا في مكان يرجعهم وراء .. يا تكمل في نفس طريقهم يا تسيبهم وتمشي !
ولاد الأصول .. مش فكرة ناس جدعه و عندهم أصل بالوراثه !!
الناس دي بيتحضروا !
بيتحضروا من بدري لأهداف و لأدوار في الحياه و لمواقف وإبتلاءات متجهزه ليهم ..
أهداف صعب تتحقق من غير الصفات دي والأخلاق دي والتفكير ده والمشاعر دي والتركيبه كلها على بعضها !
ولاد الأصول .. لقب مش بالساهل .. وميتقالش على أي حد .. ده رحله و طريق و إختبارات ومجاهده و لغه تانيه غير أي لغه ..
لغة الصدق و المنطق و القوه و المرجله إللي بجد .. لغة الحزم والمرونه .. الهيبه والرحمه .. لغة البساطه و الفخامه .. السيطره واللين .. لغة تغافل و إرتقاء .. لغة الثقه بالنفس ..لغة أصحاب القرار ..
مينفعش تتعامل معاهم من غير اللغه دي .. مش هتفهمهم ولا هتدركهم ..
لكن لو فهمت دول مين وعرفت بتتعامل مع مين ..
فإعرف إن إدراكك ده رزق و إن لقاءك بيهم رسالة أكبر من مجرد لقاء ..هي بدايه جديده وأهداف جديده وعالم تاني ..
عالم ولاد الأصول الذى لم نجده الآن وفى هذه ابحياة الا مع من رحمه ربى .
