في رحلتنا لتحقيق الأفضل بنحتاح نفهم نفسنا أكتر ونتعرف علي جوانبنا القوية …….
النهاردة هنتكلم عن إزاي تكتشف مميزاتك وإزاي تقدر تكتشف مواهبك وتبرز نقاط قوتك وتستغلها بشكل فعال وديه خطوة أساسية علشان تقدر توصل لهدفك بثقة….
كل شخص مننا بيمتلك مواهب وقدرات فريدة بتخليه مميز ….
التحدي بيكون في إكتشاف القدرات ديه وتطويرها …
أول حاجة هنتكلم فيها إزاي تتعرف علي الشيء الي بيميزك عن غيرك ⁉️
*١-تقييم نقاط قوتك وضعفك*
عن طريق إنك بتحدد المجالات الي بتشعر فيها بالثقة والكفاءة وتبتدي تدور ايه الجوانب الي محتاجة تحسين
*٢-إستكشاف إهتماماتك وشغفك*
لأن غالبا الشغف هو المفتاح لاكتشاف التميز وبالتالي لازم تفكر كويس في الأنشطة الي بتستمتع بيها
*٣-طلب الملاحظات من الاخرين*
ممكن يكون مفيد إنك تسمع أراء الأصدقاء والعيلة والزملاء في الحاجة إلي شايفينك مميز فيها لأنهم ممكن يلاحظوا جوانب عندك أو مهارات انت مش شايفها
*٤-التجربة والتعلم*
متخافش إنك تجرب حاجات جديدة لأن التعليم المستمر والتجربة بيفتحوا ليك أفاق جديدة وممكن تكتشف في نفسك مهارات أو إهتمامات متعرفهاش عن نفسك
*٥-التفكير في النجاحات السابقة*
فكر دايما في الأوقات الي حسيت فيها بالإنجاز والنجاح وإيه الي عملته وقتها وصلك للنجاح ده
وبمجرد ما تكتشف الي بيميزك لازم تطوره وتنميه
#مروان_فارس
#عضو_مجلس_أمناء_مدينة_القاهرة_الجديدة
#مساعد_أمين_تنظيم_القاهرة_حزب_حماة_الوطن
